梁山伯与祝英台之楼台会___任剑辉/李宝莹合唱
山伯：（二流）映紅霞，寒寺遠，柳翠山青景怡然，重重巒峰和雲眷，和雲眷，山川靈秀賞
盡麗色天然，記臨岐賢弟曾寄語，在長亭嚀囑早歸旋，解館速歸，賢弟為我牽紅線，
牽紅線，還贈我碧玉，媒自薦。我穿疏林，掛住斜陽隊隊歸鴉現，映照鳥投林振翼互相
叫聲傳，今已日落江頭惹我心撩亂，心撩亂，謀與英台一面。（插白）祝賢弟話過，門
前有三棵竹樹為記架。呀！無錯叻。（花下句）綠瓦紅牆樓一角，門前翠竹葉參天，信
是祝家無疑，士九呀為我通傳扣見。（白）有禮貌D呀！
士九：（白）哦！知道喇！喂...裡面有無人呀？
丫環：（白）黎！呢位小哥，你搵邊個架？
士九：（白）在下梁山伯...
丫環：（白）你係梁山伯？
士九：（白）你咪咁快搶住得架，聽埋落去都未遲。我係梁山伯既書僮士九哥呀，我地梁相
公黎拜訪你地相公祝英台丫嘛，唔該你通傳引見呀丫環姐。
丫環：（白）哦！原來係梁相公過訪呀。咁...請你係花圃小候，等我帶左梁相公入去，我
再出黎招呼你下。
士九：（白）咁就好極啦！
丫環：（白）梁相公請。
山伯：（白）有勞丫環姐。
英台：（白）悔作還巢 燕，書傳母病纏，父納文才聘，橫刀拆鳳鸞。（序白）梁兄，你姍姍
來遲，又知否我為婚變而斷腸心碎呢？（梨花慘淡經風雨）萬愁煎，日夕驚惶婚變，
往事如煙，獨困深閨怨，（清唱）縱使英台腸斷，（續唱）相思空盼望，未見梁郎面，
家嚴選婿，逼我共馬文才成屬眷，君你底事遲來，贏得心暗亂，又怕情如絮亂。（白）
梁兄。
山伯：（白）祝...祝小姐...（反線紅豆曲）翩躚裙前蝶，同窗訪粧前，今朝踐舊約。
英台：（接唱）你可知鳳侶是蘭弟變。
山伯：（白）哦，原來祝賢弟係你，英台妹又係你呀？
英台：（白）係，昔日為求學問，故而易釵而弁呀。
山伯：（接唱）枉我同睡三年矣，你既花容我看不穿。
英台：（接唱）我樂得君正直，甘願愛心牽。
山伯：（浪白）賢妹，我記起叻，士九時時都話你係女兒身，我點都唔相信喎，唉真係蠢呀！
（續唱）到此方知鸞為鳳，天賜結鳳鸞，唱左鸞鳳曲，彩鳳伴痴鸞。（轉爽七字清中板）
你臨岐暗示，我未瞭然，什麼寶鴨鴛鴦，詞盡愆，什麼相思井種並頭蓮，什麼月老祠
中同許願，什麼鴛鴦塚內共長眠。（催快）我為離愁心淒怨，你求凰意，我尚矇然。
（滾花）唉，原來你語語相關，暗示之言，重在我腦中出現。（白）當時你話我幾蠢呢
英台，呀，世伯呢，等我既刻拜謁佢老人家，求婚下聘至得。
英台：（白）梁兄...梁兄，你而家至明白。
山伯：（白）明白叻。
英台：（白）可惜...可惜已經遲左喇。
仙伯：（白）下，遲左？我要解左館至黎得架嘛，而且你親口應承過我，遲早都好閒唧。
英台：（白）夜...我...
人心：（白）請茶喇梁相公。
山伯：（白）哦...你...
人心：（白）你唔認得我呀？我咪人心囉。
山伯：（白）哦！你係人心呀...咁唔該晒叻人心姐。
人心：（白）唔駛客氣。梁相公，我地老爺知你駕臨，佢話傖促間都未能即備酒席接風，故
命奴婢先獻餅食，你快d食個紅綾餅啦，老爺重話請你恕過佢慢客之罪喎。
山伯：（白）長者賜不敢辭，世伯真 係有我心喇。（禿唱長二王） 接過紅綾手上拈，謝佢
慇勤來奉獻，誠不愧大家風範，禮義週全，待我敬佛借花，半向賢妹獻，我地紅綾共
食，兩心甜。(白)拿...
英台：（白）我唔食叻。
山伯：（白）點解呢？
英台：（白）係...（禿二王）因為我朝夕相思，把微病染，縱使紅綾甜似蜜，我當佢係蜜
餞川蓮。
山伯：（白）點解你咁講呢？（禿唱二王）係呢禮餅何來，我早在堂中發
現。（白）英台妹，堂前擺列禮餅多盒，究竟你府上邊位小姐出閣呀？
英台：（白）夜...（禿唱沉花）是是是...
山伯：（白）下！係你家姐，抑或係細妹出閣呢？
英台：（白）是是是...是英台愚妹...
山伯：（白）哎呀...你呀...你答應愚兄婚約，你...你尚嫁何人呀？
英台：（續唱）我嫁嫁嫁...
山伯：（白）你...你嫁邊個？你快ｄ講...你快ｄ講...
英台：（續唱）我嫁馬文才公子。
山伯：（白）哎呀...哎...（花）我我我...我怨句英台薄倖，嘆我山伯無緣。（禿唱連環
扣）萬箭又向心中穿，哀此薄命既痴鸞偷將鳳怨，枉我情深情深佢情盡變，夢醒愛
盡完，利劍又向心中穿，枉費共讀有三年，我一朝受騙，斬斷情根情根綠亦斷，恨
妹你食言，唉禮餅禮餅我對餅空自憐，哀賢妹人亦變，真個味苦似黃蓮，我實難咽
心悲酸，紅綾奪我姻緣，將佢碎開邊。
英台：（白）梁兄...梁兄...你唔好咁啦...梁兄，你又何必要咁呢...你早來三日我便是
梁家婦，但係你偏要遲來三日，我...我就變作馬家妻，所以我怨你黎遲左就係咁解
叻梁兄。
山伯：（白）英台，到呢個時候我都唔會講囉，呢個紅綾餅，我...我話佢斷情餅就真。
英台：（白）斷情餅...唉...我地緣已斷時情亦斷。
山伯：（白）唉...方知紅綾餅是斷腸刀呀。（反線寶誕香）聚會空教婚變遷，淚滴衣襟，
悔時延。
英台：（接唱）鴛禽比翼遭家嚴斷，唉一片哀聲抱恨綿綿，悲淒淚下，真欲語無言。（序
白）梁兄，可嘆嚴親一意孤行，眼看大好良緣終成泡影。
山伯：（序白）愚兄自悔三日誤佳期，到今方知鑄成大錯咯。（續唱）淚漣漣，苦矣亂心
絃，堪悲切齒，我心間愛願作官兒眷。
英台：（清唱）祇嘆命也如桃，偏惹那風波濤。（續唱）唉蒼天你偏妒鴛鴦愛，未許美夢
同圓。（序白）梁兄，你記唔記得臨別之時，我向你多方暗示，重假借代妹定婚，
我證我已芳心默許。
山伯：（序白）唉，愚兄蠢鈍無知，誠不解女兒心事，回憶長十送呀，（續唱）妹經對我
細語，用鴛鴦暗示情心獻。（序白）你話我幾蠢呀！
英台：（接唱）只為你未解相關語，我兩致未能結鳳鸞，梁兄呀...
山伯：（接唱）賢妹呀...
英台、山伯：（合唱）合歡花放，如夢空圓。
英台：（續唱）薄命花悲婚變遷，恨盡爹爹拆鳳鸞。
山伯：（續唱）來遲偏怨佳期誤，負了嬌約斷情緣，自嘆緣份淺。
英台：（續唱）唉...更無...
山伯：（續唱）佳策...
山伯、英台：（合唱）把恨海填。
英台：（白）梁兄...梁兄...梁兄呀...梁兄，堂前侍婢穿梭，不若同上樓台，再共訴相
思之苦呀。
山伯：（白）愚兄已六神無主叻。
英台：（白）梁兄請。
山伯：（白）賢妹請。（反線二王）步重台，魂欲斷，怕見簷前雙飛燕，枉我似粉蝶繞
裙邊。
英台：（接唱）牆外蝶戀嬌花。
山伯：（序白）唉，空說蝶戀花迷，相見爭如不見咯。
英台：（接唱）池內鴛鴦戲水。
山伯：（序白）鴛鴦戲水，我真係望都唔敢望，瞣得觸境傷情唧。
英台：（接唱）飛不過禮教藩籬，游不出封建無形水線。
山伯：（接唱）欲種並頭花，反種出愁根恨果，遲來三日，無計煉石補情天。
英台：（接唱）我為孝於親，愧難忠於愛，嗟我父命難為，以遂佢虛榮心願。
山伯：（白）英台妹，為著你終身幸福，點解你唔以死力爭呢？
英台：（白）梁兄，我何嘗唔係咁做呢。怎奈家嚴只曉附鳳攀龍，我若不應承，佢便以
死要挾呀。處於當時環境，我唯有苦苦哀求再候君三日，唉，誰知君竟不來，馬
家先來納采，夫復何言？我都只配做一個封建家庭既犧牲者。
山伯：（白）英台，你若嫁入馬家，今後教我何以為人呢？（禿頭反線中板）斷腸人對
斷腸人，流淚眼看流淚眼，只贏得恨史永留存，你負愛孝於親，情侶兩斷腸，妹
你一入豪門，我慘比風箏斷線，妹你逼作馬家娘，已固難為梁家婦，期諸來世續
前緣。（轉滾花）唉，怕憶長亭十送舊時情，一顆心靈皆碎遍。
英台：（白）梁兄，你保重呀。（乙反滾花）好比花正開時遭風雨，又好比橫來金彈打
情鴛，無奈先盡孝，然後忠於情，薄命貞花願化為蝶眷。（白）梁兄，我縱然被
迫出嫁，但誓保冰清，為酬知己，但願魂化蝴蝶，他日與郎地府雙飛。
山伯：（白）英台，我地雖則生不能同衾，但得死能同穴，我山伯重夫復何求呢？
英台：（白）梁兄...（餓馬搖錢）唉哥哥抱恨，
山伯：（接唱）妹妹抱怨，
英台：（接唱）痛斷了姻緣，
山伯：（接唱）難忘燕侶，
英台：（接唱）永遠繫念，
山伯：（接唱）龍鳳餅碎心絃，
英台：（接唱）今生訣別，
山伯：（接唱）他生再見，
山伯、英台：（合唱）美夢化輕煙，彩鳳鸞慘矣變作變作啼紅杜鵑。
山伯：（接唱）清心隔水碗千夜眠，都是緣，梁山伯為你心不變架。
英台：（接唱）可惜哥哥你遲來，致使兩家難種並頭蓮。
山伯：（接唱）我奉還蝴蝶珮，信物無心帶恨存。
英台：（白）梁兄...（接唱）珮玉永贈君，我珮玉永贈郎，留紀念，你佩身邊。
山伯：（接唱）難結姻緣，何必玉珮傷心見，我斷腸靈魂半歸天。
英台：（接唱）我心意萬千，情萬千，愁萬千，將必為情亡不抱怨。
山伯：（接唱）應歸去矣，再莫留連。
英台：（接唱）慘矣分飛燕，相對淚花濺。
山伯：（接唱）徘徊復徘徊，與英台意相牽。
英台：（接唱）纏綿復纏綿，心眷眷。
山伯：（白）英台妹，我都係扯叻。
英台：（白）梁兄，你咪扯住啦。（禿花下句）昔日分離成恨事，我牽衣執手望你且留連。
山伯：（禿戀檀）唉，生生死死，我都要歸旋。
英台：（接唱）淒淒楚楚，帶淚送痴鸞。
山伯：（接唱）步舉落樓台，心淒怨。
英台：（爽二流）蝴蝶有情花有恨，願教魂魄伴君眠。
山伯：（接唱）來時興奮斷腸回，情已斷時緣也斷。
英台：（接唱）山伯死生為我婿，英台到死不情遷。
山伯：（接唱）從來送別最淒涼。
英台：（接唱）未卜何時能相見。
山伯：（接唱）妹欲相逢唯有夢。
英台：（接唱）夢中何處有情天。
山伯：（接唱）不堪回首望樓台。吐出腥紅，吐出腥紅千萬點。
士九：（白）哎呀...相公...相公...你見點呀相公
人心：（白）梁相公...你見點呀梁相公...
英台：（白）梁兄...你...
士九：（白）相公...你保重呀相公...
英台：（白）梁兄...你...你保重呀...（合尺滾花）君若殉情奴殉愛。
山伯：（接唱）我梁山伯，願在奈何橋畔候嬋娟。
英台：（白）梁兄...
山伯：（白）英台...